Virusli video qahramoniga aylangan pokistonlik jurnalist qiz tirik bo‘lib chiqdi. Bundan tashqari, u o‘sha videoni tarqatgan va muhokama qilgan ijtimoiy tarmoq foydalanuvchilaridan g‘azabda, deb xabar qiladi “Newsru.com”.
Izro Xon ismli muxbir to‘g‘ridan-to‘g‘ri efir paytida kutilmaganda yerga o‘tirib qolgan edi. Atrofdagilar uni ushlab qolgan va yordam ko‘rsatgan edi.
Ijtimoiy tarmoqlarda ushbu video keng tarqalib ketdi, unga keltirilgan izohda esa Izroni saqlab qolishning imkoni bo‘lmagani, u bir necha soatdan so‘ng vafot etgani yozildi.
“India.com” nashriga ko‘ra, ushbu video 2016-yil sentabrida olingan bo‘lsa ham, endi mashhur bo‘lgan. Bundan tashqari, o‘shanda qiz o‘lmagan, balki hushidan ketgan edi.
Izoh (0)