Mobil aksessuarlari reteyleri saytida iPhone 8 ga mo‘ljallangan g‘iloflar paydo bo‘ldi. Ular Apple’ning yangi smartfoni qanday dizaynda bo‘lishini oshkor etdi, deb xabar beradi Forbes.
Apple’ning hali anonsi berilmagan mobil uskunasi uchun g‘ilof va himoya oynalarini Olixar kompaniyasi ishlab chiqargan. Aksessuarlarning narxlari 10–25 funt sterling atrofida. Oldinroq ushbu maydonchada iPhone 7 va Samsung Galaxy S8 uskunalarining tasvirlari anonsdan oldinroq paydo bo‘lgan edi.
Mahsulotga ilova qilingan suratlarga ko‘ra, iPhone 8 hoshiyasiz 5,8 dyuymli displeyga ega bo‘lib, uning yuqori qismida datchiklar, kamera va gapirish dinamigi joylashadi. Home tugmasi va barmoq izlari skaneri virtual bo‘ladi.
Yangi iPhone 2017-yil kuzida Apple’ning yillik prezentatsiyasi paytida taqdim etilishi kutilmoqda.
Izoh (0)