Toshkentda mashhur “g‘isht” — Nokia 3310 telefoni remeyki sotuvi boshlandi. Bu haqda “Mobinfo.uz” xabar bermoqda.
Yaqinda MWC 2017 ko‘rgazmasida taqdim etilgan Nokia 3310 afsonaviy o‘tmishdoshiga dizayni jihatidan o‘xshash, xolos. Qurilmaning vazni, qalinligi va tugmalari o‘lchami o‘zgargan.
Akkumulyator sig‘imi 1200 mA/soat, batareya esa olinadi. Ishlab chiqaruvchiga ko‘ra, quvvatlantirilganidan so‘ng 22 soat gaplashish mumkin, “kutish” tartibida esa bir oyga yetadi.
Qurilma 2 megapikselli kamera, rangli ekran, ikki barobar kengaytirilishi mumkin bo‘lgan 16 megabayt xotiraga ega. Gadjetni FM-radio va MP3-pleyer sifatida ishlatish mumkin.
4 xil rangdagi variantlari bo‘lgan qurilma poytaxt bozorlarida 900 ming so‘mdan taklif etilmoqda. Taqqoslash uchun, bu summaga Janubiy Koreya va Xitoy firmalarining arzon smartfonlarini xarid qilish mumkin.
Qurilmaning ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Izoh (0)