Tayvandagi elektron qurilmalar ishlab chiqarish hamda loyihalash kompaniyasi — Wistron’ning bosh direktori Robert Xvan iPhone 8 ning nozik jihatlari haqida so‘zlab berdi, deb xabar berdi “Hi-Tech Mail.ru”.
Uning so‘zlariga ko‘ra, iPhone 8 suv o‘tkazmaslik hamda simsiz quvvat olish kabi yangi funksiyalarga ega bo‘lishiga qaramay, uni ishlab chiqarish jarayoni avvalgi avlodlaridan katta farq qilmaydi.
Pocket Now’ning yozishicha, iPhone’ning kelgusi uchta avlodi (8, 7s va 7s Plus) ham simsiz quvvatlanish imkoniyatiga ega bo‘ladigan ko‘rinadi.
Ta’kidlash joizki, shundoq ham iPhone 7 hamda 7 Plus qurilmalari sayoz chuqurliklarda suvga qarshi himoya vositasiga ega. Yangi modellarda IP67 reytingi 68 ga qadar ko‘tarilib, (1,5 metr chuqurlikda 30 daqiqa) Samsung Galaxy S8 hamda LG G6 himoya darajalariga mos keladi.
Largan Precision kompaniyasining ma’lum qilishicha, yangi modul obyektivi Foxconn buyurtmasiga asosan yuzni 3D skaner qilish imkoniyati bilan jihozlanadi.
Izoh (0)