BAA poytaxti Abu Dabida joylashgan eng yirik masjidlardan biriga Bibi Maryam nomi berildi. Bu haqda “TASS” xabar bermoqda.
BAA bag‘rikenglik vaziri Lubna al-Qosimiyning hikoya qilishicha, bu qaror valiahd shahzoda Muhammad bin Zayd al-Nahayyonning shaxsan o‘zi tomonidan qabul qilingan.
Ilgari shayx Muhammad bin Zayd masjidi nomi bilan mashhur diniy muassasa endi Isoning onasi Maryam masjidi deb ataladi. Al-Qosimiyning ta’kidlashicha, masjidning nomi o‘zgartirilishi turli dinlar vakillarining gumanistik sa’y-harakatlari ifodasi bo‘lishi lozim.
BAAdagi G‘arbiy Yevropa cherkovlaridan birining rohibi — Tomson ota bu xabarga izoh berarkan, mazkur voqea islom va xristianlikning asosiy g‘oyalari o‘zaro yaqinligini ko‘rsatishini ta’kidlab o‘tdi.
Izoh (0)