Shayxontohur tumani IIB xodimlari 7-iyun soat 1:30 larda Surxondaryo va Qashqadaryo viloyatidan bo‘lgan, 1989 hamda 1986-yilda tug‘ilgan ikki nafar qo‘shmachi ayol 26 yoshli surxondaryolik qizni fohishalikka jalb qilayotgan paytda qo‘lga olindi, deb xabar berdi UzNews.
Qo‘shmachilar Shayxontohur tumanining Ohunboboyev maydoni yaqinida, Xorazm viloyatining Gurlan tumanida istiqomat qiluvchi 32 yoshli erkakdan “qo‘l ostidagi ayol xizmatidan foydalanishi” maqsadida 160 ming so‘m miqdorida pul olayotganida qo‘lga tushgan.
Ularga nisbatan O‘zbekiston Respublikasi Jinoyat Kodeksining 131-modda 3-bandi bilan jinoyat ishi qo‘zg‘atilgan. Ayni vaqtda tergov ishlari davom etmoqda.
Izoh (0)