Roberto Martines boshchilik qilayotgan Belgiya terma jamoasi JCh—2018 saralashining 6-turini g‘alaba bilan yakunladi.
Estoniya mehmoni bo‘lgan belgiyaliklar Dris Mertens hamda Naser Shadlining goli evaziga zafar quchdi. Tomonlarning Bryusselda o‘tgan birinchi to‘qnashuvida estonlar 1:8 hisobida imkoniyatni boy bergandi.
Bu Belgiyaning oltinchi o‘yindagi beshinchi g‘alabasi bo‘ldi. Bir tur avval Martines shogirdlari o‘z maydonida Gretsiya bilan 1:1 hisobida durang o‘ynagandi.
O‘z navbatida greklar ketma-ket uchinchi o‘yinda durang qayd etdi. Bunga qadar Bosniyani o‘z maydonida taslim qila olmay, 1:1 hisobiga imzo chekkan Gretsiya, takroriy o‘yinda 0:0 hisobiga rozi bo‘ldi.
JCh—2018. Saralash “H” guruhi. 6-tur 9-iyun, juma
Bosniya — Gretsiya 0:0
Estoniya — Belgiya 0:2
Gollar: Dris Mertens, 31 (0:1). Naser Shadli, 86 (0:2).Chetlatish: Artyom Dmitriyev, 44 (E).Gibraltar — Kipr 1:2
Gollar: Roy Chipolina, 10-avt (0:1). Entoni Ernandes, 30 (1:1). Piyeros Sotiriu, 87 (1:2).
Izoh (0)