Kecha — 8-iyun kuni Avstraliya va Saudiya Arabistoni terma jamoalari JCh—2018 saralashining 8-turida maydonga tushdi.
Avstraliya termasining Konfederatsiyalar kubogidagi ishtiroki inobatga olinib, saudiyaliklarga qarshi saralash o‘yini qolganlarnikidan ertaroq bo‘lib o‘tgandi. Unda yashil qit’a terma jamoasi 3:2 hisobida zafar quchdi.
Katta ehtimol bilan mazkur ikki terma jamoadan biri pley-offda O‘zbekiston termasiga raqib bo‘ladi. Buning uchun Samvel Babayan jamoasi saralashni 3-o‘rinda yakunlashi kerak.
“B” guruhidagi vaziyat anchagina jiddiy. Yaponiya, Saudiya va Avstraliya termalarining har birida 16 tadan ochko jamg‘arilgan.
O‘zbekiston termasi saralashning 8-turini 12-iyun kuni Tehronda Eronga qarshi o‘tkazadi.
Izoh (0)