Toshkent shahrida 7-iyun kuni sodir bo‘lgan avariyalar oqibatida bir kishi halok bo‘ldi

2017-yilning 7-iyun kuni Toshkent shahri hududida 2 ta yo‘l-transport hodisasi qayd etilgan. Mazkur yo‘l-transport hodisasida bir nafar shaxs vafot etgan, yana bir shaxs jarohat olgan deb xabar berdi Toshkent shahar IIBB matbuot xizmati.

2017-yilning 7-iyun kuni YPX inspektorlari tomonidan jami 3645 ta qoidabuzarliklar bo‘yicha ma’muriy bayonnomalar rasmiylashtirilgan bo‘lib, shulardan, 923 tasini qo‘pol turdagi, 8 tasini mast holda transport vositasini boshqarish tashkil etgan.

Toshkent shahar IIBB YHXB kompyuterlashtirilgan boshqaruv tizimi tomonidan 2017-yil 7-iyun kuni jami 1140 ta huquqbuzarliklar qayd etilgan bo‘lib, shulardan 641 tasini svetoforning taqiqlovchi chirog‘iga bo‘ysinmasdan harakatlanish, 499 tasini belgilangan me’yoridan yuqori tezlikda harakatlanishni tashkil etadi.