Tarqalgan xabarlarga ko‘ra Galaxy Note 8 uzoq vaqtdan beri kutilayotgan funksiyalarga ega bo‘lishi, jumladan, ikkita kamera va ekran ostida joylashgan barmoq izi skaneri bilan jihozlanishi kutilmoqda, deb xabar berdi “Hi-tech.mail.ru”.
Samsung’ning ayni vaqtdagi Galaxy 8 samartfoni bitta kamerali qilib ishlab chiqarildi, shunga qaramay u yaxshi ishlamoqda. Endi ikkita kameraga ega Note 8’ni tasavvur qilib ko‘ring. Buning ustiga ko‘plab ishlab chiqaruvchilar o‘z qurilmalarida bu kabi yechimlardan foydalanib bo‘ldi. Samsung’ning endi boshqa iloji yo‘q.
Galaxy Note 8’ning dizayni deya taxmin qilinayotgan chizmada smartfonning orqa qismida ikkita kamera joylashganini ko‘rish mumkin. Bundan tashqari chizmada barmoq izi skaneri umuman mavjud emas. Qurilmaning ikki tomonida ham uning yo‘qligidan faqat bir narsa kelib chiqadi: barmoq izi skaneri erkanga o‘rnatiladi.
Samsung bu yechimdan Galaxy S8’da foydalanishni rejalashtirgan edi, biroq amalga oshirishga ulgurmagan ko‘rinadi.
Shuningdek, Galaxy Note 8’ga Infinity hoshiyasiz ekrani o‘rnatilishi kutilmoqda. Biroq u yanada kattaroq va yaxshiroq bo‘ladigan ko‘rinadi. Ya’ni ekran maydoni biroz katta bo‘ladi. Smartfon premyerasi kuzda bo‘lishi kutimoqda.
Izoh (0)