Тарқалган хабарларга кўра Galaxy Note 8 узоқ вақтдан бери кутилаётган функцияларга эга бўлиши, жумладан, иккита камера ва экран остида жойлашган бармоқ изи сканери билан жиҳозланиши кутилмоқда, деб хабар берди «Hi-tech.mail.ru».
Samsung’нинг айни вақтдаги Galaxy 8 самартфони битта камерали қилиб ишлаб чиқарилди, шунга қарамай у яхши ишламоқда. Энди иккита камерага эга Note 8’ни тасаввур қилиб кўринг. Бунинг устига кўплаб ишлаб чиқарувчилар ўз қурилмаларида бу каби ечимлардан фойдаланиб бўлди. Samsung’нинг энди бошқа иложи йўқ.
Galaxy Note 8’нинг дизайни дея тахмин қилинаётган чизмада смартфоннинг орқа қисмида иккита камера жойлашганини кўриш мумкин. Бундан ташқари чизмада бармоқ изи сканери умуман мавжуд эмас. Қурилманинг икки томонида ҳам унинг йўқлигидан фақат бир нарса келиб чиқади: бармоқ изи сканери эрканга ўрнатилади.
Samsung бу ечимдан Galaxy S8’да фойдаланишни режалаштирган эди, бироқ амалга оширишга улгурмаган кўринади.
Шунингдек, Galaxy Note 8’га Infinity ҳошиясиз экрани ўрнатилиши кутилмоқда. Бироқ у янада каттароқ ва яхшироқ бўладиган кўринади. Яъни экран майдони бироз катта бўлади. Смартфон премьераси кузда бўлиши кутимоқда.
Изоҳ (0)