Endilikda GM Uzbekistan avtomobillarini plastik kartochkaga ham sotib olish mumkin. Faqat karta xaridor nomiga rasmiylashtirilgan bo‘lishi kerak. Bu GM Uzbekistan avtomobillarini ichki bozorda realizatsiya qilish tartibining vaqtinchalik nizomida ko‘zda tutilgan, deb xabar berdi UZ24.
Bundan tashqari, mashinani iste’mol krediti yoki bankdagi depozit omonatdan pul o‘tkazish yo‘li orqali sotib olish mumkin.
Shuningdek, xaridor oldindan to‘lovning bir qismini yoki butunlay amalga oshirganiga qarab avtomobil yetkazib berish shartlari o‘zgaradi.
Endi konveyerda yig‘iladigan avtomobillar uchun yetkazib berish muddati 60 kun, qo‘lda yig‘iladigan mashinalar uchun 90 kunni tashkil etadi.
Buyurtmachi tanlovi asosida modifikatsiya qilingan konveyerda yig‘ilgan avtomobil 120 kunda yetkazib beriladi.
Izoh (0)