“Motor” nashri ayni vaqtda “Avto.ru” sayti orqali sotib olish mumkin bo‘lgan eng qimmat avtomobillar suratlarini to‘plab taqdim etdi.
“Gaz-13”
Narxi: 15 million rubl (265 000 AQSh dollari)
Ushbu “Chayka” avtomobilini 10—15 million rubllarga sotib olish mumkin. SSSR davrida bu avtomobilni faqatgina partiya a’zolari mina olishgan. Avtomobil 5,5 litrli V8 dvigateliga ega bo‘lib, 195 ot kuchiga ega.
“ZiL-114”
Narxi: 18 million rubl (318 300 dollar)
Ushbu avtomobilning uzunligi 6,3 metrga teng. “ZiL-113” 113 nusxada ishlab ishlab chiqarilgan, “ZiL-114” esa 1978-yilda ishlab chiqarilgan avtomobillardan so‘nggisi. Birinchi “ZiL-114” 1967-yilda ishlab chiqarilgan.
“ZiS-110”
Narxi: 37,8 million rubl (668 585 dollar)
“Auto.ru” saytidagi eng qimmat sobiq sovet davriga tegishli avtomobil “Zis-110”. Sotuvda ushbu mashina markasining uchtasi mavjud: ular tegishli ravishda 23,5 million, 25 million va 37,8 million rublga baholangan.
Mercedes G500 Guard
Narxi: 840 000 dollar
Ushbu mashinaning asosi bo‘lib 2014-yilda ishlab chiqarilgan G500 modeli xizmat qilgan. 388 ot kuchiga ega V8 dvigateli bilan jihozlangan. Suratdagi avtomobil 100 kilometr masofani bosgan.
Rolls-Royce Drophead Coupe
Narxi: 866 600 dollar
Bu avtomobil 2016-yilda ishlab chiqarilgan bo‘lib, Rolls-Royce’ning Phantom oilasiga mansub so‘nggi avlodlaridan biri. 460 ot kuchiga ega 6,75 litrli V12 dvigateli bilan jihozlangan.
Mercedes-Maybach S500 Guard
Narxi: 951 811 dollar
Ushbu zirhlangan limuzinning tezligi cheklangan bo‘lib, 190 km/soatga teng. 455 ot kuchiga ega dvigatel o‘rnatilgan.
Mercedes McLaren SLR 722S Roadster
Narxi: 1 400 000 dollar
722S modeliga 650 ot kuchiga ega 5,4 litli V8 dvigateli bilan jihozlangan. 100 km/soat tezlikka 3,7 soniyada chiqadi. Maksimal tezligi 335 km/soatga teng.
Bugatti Veyron
Narxi: 1 585 000 dollar
11 ming kilometrdan sal oshiqroq masofani bosgan ushbu Bugatti 90 million rubl turadi. Oq Veyron’ning dizayni Supersport modeli ostida ishlangan. Avtomobil 407 km/soatgacha harakatlana oladi,
Hispano-Suiza K6
Narxi: 3 000 000 dollar
Sotuvdagi mashina 1935-yilda ishlab chiqarilgan. 120 kuchga ega 5,2 litrli dvigateli 140 km/soat tezlikkacha harakatlana oladi.
Bugatti Chiron
Narxi: 3 070 000 dollar
8 litrli W16 dvigateli 1500 ot kuchiga ega. 100 km/soat tezlikka 2,5 soniyada chiqadi. Maksimal tezligi 420 km/soatga teng.
Izoh (0)