Peterburglik tish shifokori foyda ko‘rish uchun mijozining 22 ta sog‘lom tishini olib tashladi

Sankt-Peterburg Tergov qo‘mitasi tish shifokoriga nisbatan firibgarlik moddasi bo‘yicha jinoyat ishi qo‘zg‘atilganligi haqida ma’lum qildi, deb yozadi “MK.ru”.

Gap 2014-yilgi voqealar haqida bormoqda. O‘shanda shifokor pul olish uchun mijozining mutlaqo sog‘lom 22 ta tishini sug‘urib olgan. Bundan tashqari, shifokor ayolga yaroqsiz “ko‘priklar” o‘rnatgan. Stomatolog yuqoridagi ishlari uchun jabrlanuvchidan 843 ming rubl olgan.

Hozirgi paytda tergov shifokorning shu kabi boshqa jinoyatlari haqidagi ma’lumotlarni tekshirmoqda va unga nisbatan jinoyatning oldini olish chorasini tanlash masalasini hal etmoqda.