“Islom.uz” saytiga mushtariylardan biri saharlik bilan bog‘liq savol yo‘lladi. “Ramazon oyida ba’zida saharlik qilib og‘izni yopayotgan vaqtimizda yoshi katta amakilarimiz saharlikni 15—20 daqiqa kechikib bo‘lsayam qilsa bo‘laveradi, ota-bobolarimiz paytida daqiqasigacha to‘g‘ri yopishmagan-ku, degan gaplarni eshitib qolamiz”, — deya shu mavzuda sayt ma’muriyati fikri bilan qiziqdi.
“Ota-bobolarimiz dunyoviy savodlari bo‘lmasa-da ufq, yulduz va oyga qarab, qachon tong otganini, hatto dengizda bo‘lsalar ham qayerda turganlarini juda yaxshi bilishgan. Ular ‘yerdan quyoshning oltidan bir bo‘lagi ko‘tarilganda’ degan gaplargacha aytib o‘tishgan. Ulardan keyingilar u narsalarni bilmay siz aytgan gaplarni gapirishni boshlaganlar. Ularda avvalgilarning ilmi ham, hozirgilarning ilmi ham bo‘lmagan. Bomdod vaqti kirganidan keyin yarim daqiqa o‘tkazib taomlanish ham joiz emas”, — deyiladi sayt ma’muriyati taqdim etgan javobda.
Izoh (0)