«Islom.uz» сайтига муштарийлардан бири саҳарлик билан боғлиқ савол йўллади. «Рамазон ойида баъзида саҳарлик қилиб оғизни ёпаётган вақтимизда ёши катта амакиларимиз саҳарликни 15—20 дақиқа кечикиб бўлсаям қилса бўлаверади, ота-боболаримиз пайтида дақиқасигача тўғри ёпишмаган-ку, деган гапларни эшитиб қоламиз», — дея шу мавзуда сайт маъмурияти фикри билан қизиқди.
«Ота-боболаримиз дунёвий саводлари бўлмаса-да уфқ, юлдуз ва ойга қараб, қачон тонг отганини, ҳатто денгизда бўлсалар ҳам қаерда турганларини жуда яхши билишган. Улар ‘ердан қуёшнинг олтидан бир бўлаги кўтарилганда’ деган гапларгача айтиб ўтишган. Улардан кейингилар у нарсаларни билмай сиз айтган гапларни гапиришни бошлаганлар. Уларда аввалгиларнинг илми ҳам, ҳозиргиларнинг илми ҳам бўлмаган. Бомдод вақти кирганидан кейин ярим дақиқа ўтказиб таомланиш ҳам жоиз эмас», — дейилади сайт маъмурияти тақдим этган жавобда.
Изоҳ (0)