“O‘zbektelekom” AK rahbariyati va mutaxassislarining Google Global Cache (GGC) korporatsiyasi vakillari bilan uchrashuvi bo‘lib o‘tdi. Bu haqda kompaniya matbuot xizmati xabar bermoqda.
Deyv Shvars (yetakchi texnik ekspert,Google shtab-kvartirasi, Kaliforniya) va Yan Kliri (menejer, Google EMEA, London) “O‘zbektelekom” texnologik maydonida GGC jihozlarini o‘rnatish orqali mahalliy foydalanuvchilar uchun Google servislari sifatini oshirish imkoniyatlarini namoyish etdi.
Uchrashuv yakunlari bo‘yicha tomonlar o‘zaro manfaatli hamkorlik haqida kelishib oldi.
“O‘zbektelekom” tarmog‘ida korporatsiyaning CDN bog‘lamasi ishga tushirilganidan so‘ng Google’ning eng ommalashgan resurslarini keshlash imkoniyati yaratiladi. Bu esa, o‘z navbatida, O‘zbekiston foydalanuvchilari uchun Google servislari sifatini sezilarli darajada oshiradi.
Izoh (0)