Janubiy Koreya tarix bo‘yicha davlat darsliklaridan voz kechdi

Janubiy Koreyaning yangi prezidenti Mun Je In maktablarda tarix bo‘yicha davlat tomonidan ma’qullangan qo‘llanmalar joriy qilish rejasidan voz kechdi. Bu haqda, AP’ga asoslanib, Meduza xabar bermoqda.

Prezident ma’muriyatida aytilishicha, yangi davlat rahbari tarix ta’limi siyosiylashtirilmasligi kerakligiga qat’iy ishonadi.

Janubiy Koreyaning oldingi prezidenti Pak Kin Xe 2018-yildan maktablarda tarix darsliklarini joriy qilishni rejalashtirgan edi. U tarix ta’limi yoshlarga vatanparvarlik ruhini tarbiyalashi lozimligini aytgan, mavjud darsliklarni ortiq darajada liberal hamda Shimoliy Koreyaga nisbatan rahm-shafqat qilishga turtki bo‘luvchi deb baholagan edi.