Noma’lum shaxslar Shveysariyaning Syurix shahridagi Turkiya bosh konsulligi binosiga bo‘yoqli butilkalarni uloqtirdi, deb xabar berdi Hurriyet Daily News.
Ta’kidlanishicha, yaqin atrofdagi bino va elchixonadan unchalik uzoqda bo‘lmagan avtobus bekatlariga Turkiya prezidenti Rajab Toyyib Erdo‘g‘onni o‘ldirishga chorlovchi yozuvlar qoldirib ketilgan.
Turkiyaning Syurixdagi bosh konsuli Osiyo Nurjan Ipekchining ma’lum qilishicha, hujumni 60 ga yaqin niqob taqib olgan yovuz niyatli kimsalar amalga oshirgan. “Hozirda vaziyat nazorat ostida”, — deya qo‘shimcha qildi diplomat.
Mojaro 1-may, Turkiyada “Mehnat kuni” nishonlanadigan dam olish kunida sodir bo‘lgan. Ushbu kunda binoda faqatgina xavfsizlik xizmati xodimlari bo‘lishgan.
Turkiya konstitutsiyasi masalalari bo‘yicha o‘tkaziladigan referendum arafasida Shveysariya poytaxti — Bernning markazida namoyish bo‘lib o‘tgan. Namoyish faollari qo‘llarida “Erdo‘g‘onni o‘ldiring” yozuvi tushirilgan plakatlarni ko‘tarib yurdi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)