Номаълум шахслар Швейцариянинг Цюрих шаҳридаги Туркия бош консуллиги биносига бўёқли бутилкаларни улоқтирди, деб хабар берди Hurriyet Daily News.
Таъкидланишича, яқин атрофдаги бино ва элчихонадан унчалик узоқда бўлмаган автобус бекатларига Туркия президенти Ражаб Тоййиб Эрдўғонни ўлдиришга чорловчи ёзувлар қолдириб кетилган.
Туркиянинг Цюрихдаги бош консули Осиё Нуржан Ипекчининг маълум қилишича, ҳужумни 60 га яқин ниқоб тақиб олган ёвуз ниятли кимсалар амалга оширган. «Ҳозирда вазият назорат остида», — дея қўшимча қилди дипломат.
Можаро 1 май, Туркияда «Меҳнат куни» нишонланадиган дам олиш кунида содир бўлган. Ушбу кунда бинода фақатгина хавфсизлик хизмати ходимлари бўлишган.
Туркия конституцияси масалалари бўйича ўтказиладиган референдум арафасида Швейцария пойтахти — Берннинг марказида намойиш бўлиб ўтган. Намойиш фаоллари қўлларида «Эрдўғонни ўлдиринг» ёзуви туширилган плакатларни кўтариб юрди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)