Xitoyning Xenan viloyatidagi avtoshosseda 40 avtomobil ishtirokida yuz bergan yo‘l-transport hodisasi oqibatida yetti kishi halok bo‘ldi. Bu haqda “RIA Novosti” xabar bermoqda.
Politsiyadan xabar berishlaricha, Sisyan nohiyasida yo‘lning ikki kilometrlik qismida birdaniga bir necha YTH yuz bergan. Hodisa oqibatida yana bir kishi jabrlangan, uning ahvoli og‘ir.
Dastlabki ma’lumotlarga ko‘ra, avariyalarga kuchli tuman va ko‘rish sharoitining og‘irligi sabab bo‘lgan. Hodisalar yuzasidan tekshiruv-surishtiruv ishlari olib borilmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)