AQSh prezidenti qizi Ivanka Tramp va uning turmush o‘rtog‘i Jared Kushner 740 million dollar qiymatidagi ko‘chmas mulk va boshqa aktivlarga ega.
Bu haqda Oq uy taqdim etgan xodimlar daromadlari deklaratsiyalariga tayanib, The New Tork Times ma’lum qildi, deya xabar beradi “Kommersant.ru”.
Mazkur ma’lumotlarga ko‘ra, Ivanka Tramp Vashington markazidagi Trump International Hotel mehmonxonasida 5—25 million dollarga baholanayotgan ulushga ega. 2016-yil yanvaridan 2017-yil martigacha ushbu ulush 1—5 million dollar daromad keltirgan.
Ivanka Tramp rasman davlat xizmatchisiga aylanganidan so‘ng mehmonxonadan qanday daromad olishi mumkinligi hozircha mavhum bo‘lib turibdi
Ma’lumot uchun, Bloomberg Donald Tramp ma’muriyatini AQSh tarixidagi eng badavlati deb tan oldi. Oq uy xodimlarining jami mol-mulki 12 milliard dollarga yetadi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)