O‘zbekiston Respublikasi tashqi ishlar vaziri Abdulaziz Kamilov Yevropa tiklanish va taraqqiyot bankining mamlakatga tashrif buyurgan nufuzli delegatsiyasiga boshchilik qilayotgan YTTB prezidenti Suma Chakrabarti bilan uchrashdi. Bu haqda vazirlik matbuot xizmati xabar bermoqda.
Suhbat chog‘ida O‘zbekiston va bank o‘rtasidagi to‘laqonli, konstruktiv ruhdagi va o‘zaro manfaatli hamkorlikni qayta tiklash nuqtayi nazaridan munosabatlarni mustahkamlash istiqbollari muhokama qilindi.
Muzokaralar davomida Harakatlar strategiyasi hamda mamlakatda keng ko‘lamli islohotlar va chuqur o‘zgarishlar amalga oshirishga yo‘naltirilgan boshqa qarorlarni hayotga tatbiq etishda YTTB ishtirokidan tomonlar manfaatdor ekanligi ta’kidlandi.
Izoh (0)