Jahon boks seriyasi (WSB)ning VII mavsum “C” guruhi 3-turi doirasida O‘zbekistonning Uzbek Tigers jamoasi Toshkentda Rossiyaning Patriot Boxing Team bokschilariga qarshi bahs olib bormoqda.
“O‘zbekiston” sport majmuasida bo‘lib o‘tayotgan navbatdagi jangda -64 kilogramm vazndagi bokschilar ringga ko‘tarildi. Katta umid bildirilgan Elnur Abduraimov rossiyalik Radmir Abdurahmonovni qiyinchilik bilan 2:1 hisobida mag‘lubiyatga uchratdi.
Avvalroq -56 kilogramm vazn toifasida o‘zbekistonlik Abdulhay Shorahmatov ishonchli tarzda Rossiya vakili Dmitriy Sharafutdinovni mag‘lubiyatga uchratgani haqida xabar qilingandi.
Mazkur bellashuvdan so‘ng Uzbek Tigers hisobni oshirdi – 2:0. Navbatdagi janglar quyidagi ko‘rinishni olgan:
-75 kilogramm: Isroil Madrimov — Rajab Rajabov
+91 kilogramm: Zuhriddin Mahkamov — Islom Tekeyev
-49 kilogramm: Hasanboy Do‘stmatov — Bator Sagaluyev
Estatib o‘tamiz, WSB doirasida Uzbek Tigers 2017-yil hisobidan ikkita jang o‘tkazib, har ikkisida ham mag‘lub bo‘lgandi. Jamoa avvaliga Xitoyda China Dragons’dan 2:3 hisobida yengilgan bo‘lsa, keyinroq Qozog‘istonda Astana Arlans’ga 1:4 hisobida imkoniyatni boy bergandi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)