Isroil parlamenti o‘z dress-kodiga o‘zgartirish kiritmaslikka qaror qildi — mini-yubka kiygan ayollar muassasaga kiritilmaydi. Bu haqda The Times of Israel xabar bermoqda.
2016-yilning dekabrida Knessetda ishlaydigan 30 dan ziyod yordamchi ayollar mini-yubkalar va kalta ko‘ylaklar bilan parlament binosiga kirishga uringan edi.
Norozilik namoyishining aksariyat ishtirokchilari oxir-oqibat binoga kirishga muvaffaq bo‘lgan (ularning yonida zaxira liboslari ham bo‘lgan), lekin to‘rt ayol baribir ichkariga qo‘yilmagan edi.
Ayol xodimlarning talabini o‘rganib chiqish maqsadida, parlamentda deputatlar ishtirokida maxsus qo‘mita tuzilgan. Biroq ko‘ylak va yubkalarning etagi uzunligi bo‘yicha mavjud talab va qoidalar o‘zgarishsiz qoldirilgan.
Aksincha, parlamentdagi kiyinish madaniyati talablari ijrosini ta’minlash maqsadida yanada qat’iyroq choralar ishlab chiqilgan — qoidabuzarlar dastlab ogohlantiriladi, agar qoidabuzarlik yana takrorlansa, parlamentga kirish huquqidan mahrum etiladi.
Izoh (0)