Turkiya harbiylari Suriya shimolida IShID terrorchilik tashkilotining 14 nafar jangarisini yo‘q qildi. Bu haqda, Turkiya Bosh shtabiga asoslanib, “Interfaks” xabar bermoqda.
Xabar berishlaricha, Turkiya harbiy-havo kuchlari 21-fevral, seshanba kuni “Frot qalqoni” operatsiyasi doirasida IShIDning 100 dan ortiq obyektlariga zarbalar bergan.
2016-yilning avgustida Turkiya armiyasi Suriya hududida “Frot qalqoni” nomli harbiy operatsiyani boshlagan edi. Operatsiyadan ko‘zlangan maqsad — Suriyaning Turkiya bilan chegaradosh hududlarini IShID terrorchilaridan tozalash.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)