Bir qator jamoatchilik va davlat tashkilotlari tashabbusi bilan, 2017−2021-yillarda beshta ustuvor yo‘nalish bo‘yicha O‘zbekistonni rivojlantirish harakatlar strategiyasi, shuningdek, “Xalq bilan muloqot va inson manfaatlari yili” Davlat dasturini amalga oshirish uchun “Rivojlantirish strategiyasi” markazi tashkil qilindi. Bu haqda O‘zbekiston elektron OAVlar milliy assotsiatsiyasi xabar berdi. “Rivojlantirish strategiyasi” markazini tuzish davlat rahbarining qarori bilan tasdiqlandi.
Nodavlat notijorat tashkilot maqomiga ega “Taraqqiyot strategiyasi” markazi ta’sischilari Fuqarolik jamiyati shakllanishini monitoring qilish mustaqil instituti, O‘zbekiston Respublikasi Prezidenti huzuridagi amaldagi qonun hujjatlari monitoringi instituti, Savdo-sanoat palatasi, O‘zbekiston advokatlari palatasi, Prezident huzuridagi Davlat boshqaruvi akademiyasi, Elektron OAVlar milliy assotsiatsiyasi, O‘zbekiston nodavlat notijorat tashkilotlari milliy assotsiatsiyasi bo‘ldi.
Markazning faoliyati 2017−2021 yillarda beshta ustuvor yo‘nalish bo‘yicha O‘zbekistonni rivojlantirish harakatlar strategiyasida ko‘zda tutilgan tadbirlarni ekspertlar va jamoatchilik ishtirokida muhokama qilish, har tomonlama o‘rganib chiqish va amalga oshirishni samarali tarzda tashkil qilish, shuningdek, mamlakatni demokratlashtirish va modernizatsiya qilish jarayonlariga fuqarolik jamiyati institutlari vakillari, ekspertlar va olimlarni faol jalb qilishga yo‘naltiriladi.
Izoh (0)