BMT Xavfsizlik Kengashi AQShning yangi vakili taqdim etgan birinchi rezolyutsiya loyihasini rad etdi

BMT Xavfsizlik Kengashi AQSh tomonidan ishlab chiqilgan rezolyutsiya loyihasini qo‘llab-quvvatlamadi. Bu haqda “Gazeta.ru” xabar bermoqda.

Loyihada Isroilning Eylat shahriga qaratilgan raketa hujumi hamda Tel-Aviv yaqinidagi Petax-Tikva shahrida sodir etilgan terrorchilik harakati qoralangan edi.

Qayd etilishicha, AQSh delegatsiyasi tomonidan kiritilgan, Isroil hududidagi hujumlar qoralangan BMT Xavfsizlik Kengashi bayonoti loyihasi ayrim delegatsiyalar, jumladan, Fransiya tomonidan to‘xtatib qo‘yilgan.

Mazkur loyiha AQShning BMTdagi yangi doimiy vakili Nikki Xeyli boshchiligidagi delegatsiya tomonidan taqdim etilgan birinchi hujjat edi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.