Tennis bo‘yicha norasmiy jahon chempionati hisoblangan Devis Kubogida O‘zbekiston terma jamoasi Osiyo va Okeaniya mintaqasida Janubiy Koreya termasini muddatidan avval mag‘lub qildi va keyingi bosqichga yo‘l oldi.
Bugun, 5-fevral kuni Janubiy Koreyada o‘tayotgan bellashuvning uchinchi kun ilk o‘yinida O‘zbekistonning birinchi raketkasi Denis Istomin mezbon tennischi, ATP reytingida 73-o‘rinda borayotgan Xyon Chonga qarshi bahs olib borishi kerak edi. Biroq noma’lum sabablarga ko‘ra Xyon Chon kortga chiqa olmadi va uning o‘rniga Kvon Sun Vu (ATP – 308-o‘rin) o‘zbekistonlik tennischiga raqiblik qildi. 3 soat-u 21 daqiqa davom etgan o‘yinda dunyo reytingida 80-pog‘onani egallab turgan Istomin 3:6, 7:6, 6:2, 7:6 hisobidagi irodali g‘alabaga erishdi.
Mazkur g‘alaba O‘zbekiston termasini muddatidan avval keyingi bosqichga olib chiqdi. Musobaqa reglamentiga ko‘ra, yana bitta uchrashuv – Dak Xi Li (ATP –139-o‘rin) va Sanjar Fayziyev (ATP – 367-o‘rin) o‘rtasida bellashuv bo‘lib o‘tishi lozim edi. Ammo O‘zbekiston termasi 3:1 hisobida oldinga chiqib olgani uchun mazkur o‘yinni o‘tkazish hech qanday ahamiyatni kasb etmasdi.
Devis Kubogi—2017Osiyo va Okeaniya mintaqasi3—5-fevral
Janubiy Koreya — O‘zbekiston 1:3
Xyon Chon — Sanjar Fayziyev 6:4, 6:4, 6:7, 4:6, 6:0Dak Xi Li — Denis Istomin 6:4, 2:6, 6:7, 4:6
Xyon Chon Yun/Kyu Lim — Istomin/Fayziyev 6:3, 6:7(10:12), 6:7(5:7), 7:5, 6:4.
Kvon Sun Vu – Denis Istomin 6:3, 6:7, 2:6, 6:7
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)