Теннис бўйича норасмий жаҳон чемпионати ҳисобланган Дэвис Кубогида Ўзбекистон терма жамоаси Осиё ва Океания минтақасида Жанубий Корея термасини муддатидан аввал мағлуб қилди ва кейинги босқичга йўл олди.
Бугун, 5 февраль куни Жанубий Кореяда ўтаётган беллашувнинг учинчи кун илк ўйинида Ўзбекистоннинг биринчи ракеткаси Денис Истомин мезбон теннисчи, ATP рейтингида 73-ўринда бораётган Хён Чонга қарши баҳс олиб бориши керак эди. Бироқ номаълум сабабларга кўра Хён Чон кортга чиқа олмади ва унинг ўрнига Квон Сун Ву (ATP – 308-ўрин) ўзбекистонлик теннисчига рақиблик қилди. 3 соат-у 21 дақиқа давом этган ўйинда дунё рейтингида 80-поғонани эгаллаб турган Истомин 3:6, 7:6, 6:2, 7:6 ҳисобидаги иродали ғалабага эришди.
Мазкур ғалаба Ўзбекистон термасини муддатидан аввал кейинги босқичга олиб чиқди. Мусобақа регламентига кўра, яна битта учрашув – Дак Хи Ли (ATP –139-ўрин) ва Санжар Файзиев (ATP – 367-ўрин) ўртасида беллашув бўлиб ўтиши лозим эди. Аммо Ўзбекистон термаси 3:1 ҳисобида олдинга чиқиб олгани учун мазкур ўйинни ўтказиш ҳеч қандай аҳамиятни касб этмасди.
Дэвис Кубоги—2017Осиё ва Океания минтақаси3—5 февраль
Жанубий Корея — Ўзбекистон 1:3
Хён Чон — Санжар Файзиев 6:4, 6:4, 6:7, 4:6, 6:0Дак Хи Ли — Денис Истомин 6:4, 2:6, 6:7, 4:6
Хён Чон Юн/Кю Лим — Истомин/Файзиев 6:3, 6:7(10:12), 6:7(5:7), 7:5, 6:4.
Квон Сун Ву – Денис Истомин 6:3, 6:7, 2:6, 6:7
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)