Xorazmda ishlab chiqarilayotgan Chevrolet Labo takomillashtiriladi
Xorazm viloyatida 2017-yil sentabr oyida Chevrolet Labo avtomobilining takomillashtirilgan modelini ishlab chiqarish yo‘lga qo‘yiladi. Bu haqda O‘zbekiston Prezidenti Shavkat Mirziyoyev Urganchdagi Xorazm viloyati faollari bilan bo‘lgan uchrashuvida ma’lum qildi, deb xabar bermoqda Uzbekistan Today.
Xorazm viloyatida avtomobillar ishlab chiqarish 2015-yil 27-iyul kuni GM Uzbekistan tomonidan yo‘lga qo‘yilgan.
Chevrolet Labo avtomobili Damas’ning shahar va qishloq joylarda qisqa masofalarga yuk tashish uchun mo‘ljallangan bort kuzovi ochiq modifikatsiyasi hisoblanadi.
Avtomobilning eng yuqori tezligi soatiga 115 kilometrni tashkil etadi.
Mazkur markali avtomobil, asosan, benzin yordamida harakatga keladi. Biroq mukammallashtirilgan modellar siqilgan gaz bilan ishlash imkonini beruvchi tizimga ega bo‘lib, bu avtomobilni yanada tejamkor qiladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
