Amerikalik va avstraliyalik olimlar hozirgi Avstraliya, Tasmaniya va Yangi Gvineyani birlashtirgan Saxul superqit’asida so‘nggi muz davrida yashab o‘tgan ulkan hayvonlarning qirilib ketishi asosiy sabablaridan birini aniqladi, deb yozadi EurekAlert!
Ushbu sut emizuvchilar nobud bo‘lishiga, olimlar fikricha, ularning yem-xashak bazasi kambag‘allashishi sabab bo‘lgan. “Iqlim quruqlashib borgani sari, hayvonlarning ovqatlanish tartibi keskin o‘zgargani borasida dalillarni topdik”, — dedi tadqiqot hammuallifi Larisa DeSantis.
Bunday xulosaga olimlar zamonaviy Avstraliya hududida 350—570 ming yil avval — yirik organizmlar keng tarqalgan davrda hamda 30—40 ming yil avval — ular qirilib ketgan vaqtda yashagan o‘txo‘rlar ratsionini solishtirib ko‘rish orqali keldi. Hayvonlar tishlaridagi kislorod va uglerod izotoplari mutaxassislarga organizmlarning ovqatlanish ratsionini hamda suyak hosil bo‘lish paytidagi atrof-muhit harorati va namligini baholash imkonini berdi.
Olimlarning ushbu tadqiqoti Saxul faunasining yirik vakillarini superqit’ada paydo bo‘lgan odamlar qirgani haqidagi gipotezani bilvosita rad etadi.
Izoh (0)