Bugun,

  • USD 11095.31
  • RUB 173.84
  • EUR 10772.44

Xalqaro olimpiya qo‘mitasi 2008-yilgi Pekin Olimpiadasining 4×100 estafeta poygalarida oltin medalni qo‘lga kiritgan Yamayka terma jamoasini diskvalifikatsiya qildi.

Foto: “RBK”

Foto: “RBK”

Meduza’ning yozishicha, mazkur qaror jamoa a’zolaridan biri, yuguruvchi Nesta Karter taqiqlangan moddalarni iste’mol qilgani aniqlanganidan so‘ng qabul qilingan.

Jamoaning diskvalifikatsiyasi sabab, mazkur estafetada qatnashgan jahon rekordchisi Useyn Bolt ham o‘z medalidan mahrum bo‘ldi. O‘sha poyga yakuniga ko‘ra, yamaykalik yuguruvchilar jahon rekordini o‘rnatgan edi.

Karterdan tashqari, rossiyalik sakrovchi Tatyana Lebedeva ham doping qabul qilganlikda aybdor deb topilgan. U 2008-yilgi Olimpiadada qo‘lga kiritgan ikkita kumush medalidan ayrilgan.

Avvalroq Jahon antidoping agentligi (WADA) tekshiruv o‘tkazib, rossiyalik sportchilarni muntazam ravishda doping qabul qilishda ayblab chiqqan edi. Yengil atletika bo‘yicha Rossiya terma jamoasi esa Rio-de-Janeyroda bo‘lib o‘tgan 2016-yilgi Olimpiadadan chetlatilgan edi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.

Izoh
Asosiy yangiliklar
Sport
Gol zavqi, Babayanning xursandchiligi va tribunadagi olqishlar. “Navbahor”ning “Olimpik”ka qarshi o‘yinidan fotogalereya
Dunyo
“Putin va Prigojinni o‘ldirishlari mumkin” — ekspert bashorati
Shou-biznes
Shahzoda Garri va Megan Markl qirollik saroyidagi hayoti haqida hikoya qiluvchi filmni taqdim etadi