McLaren kompaniyasining Gonkongdagi bo‘limi mahalliy mijozlarning 50 ta superkari ishtirokida avtoparad uyushtirdi. Kompaniya kirib kelgan Yangi yilni shu tariqa nishonlashga qaror qilgan. “Motor”ning yozishicha, avtokarvon 35 kilometr yo‘lni bosib o‘tgan.
Paradda McLaren’ning turli modellari — MP4-12C, 625C (faqat Xitoy bozori uchun mo‘ljallangan), 650S, 550S, 570GT ishtirok etdi.
Kolonna tarkibida birorta ham P1 supergibridi bo‘lmagan. Biroq dunyo bo‘yicha umumiy soni 500 ta bo‘lgan 675LT kupesi va rodsterining birdaniga to‘qqizta nusxasi paradda ishtirok etdi.
Qayd etishlaricha, McLaren’ning Gonkongdagi dilerlik markazi o‘z faoliyatini bundan besh yil avval boshlagan.
2016-yilda McLaren’ning London yaqinida joylashgan Uokingdagi ishlab chiqarish markazi 3 286 ta avtomobil bilan savdoni rekord darajaga ko‘tarishga muvaffaq bo‘ldi, bu 2015-yilga nisbatan 99,6 foizga ko‘proq.
Bundan tashqari, o’tgan yili McLaren o‘zining zamonaviy tarixidagi o‘n minginchi avtomobilini ishlab chiqarganini e’lon qildi. Kompaniya bu natijaga besh yarim yil ichida erishdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)