AQShning saylangan prezidenti Donald Tramp Twitter mikroblogida qizi Ivankani xuddi shu ism sohibasi bo‘lgan boshqa foydalanuvchi bilan adashtirib yubordi. Bu haqda “RIA Novosti” xabar bermoqda.
“Ivanka Tramp haqiqiy xarakter va hashamga ega ajoyib ayoldir”, — deb yozdi Tramp sahifasida, ammo xabarda qizining emas, balki britaniyalik foydalanuvchi Ivanka Majichning akkauntiga havola berdi.
Distractify portali mualliflaridan biri Mark Paygas voqeaga quyidagicha izoh berdi:
“Balki u (Majich) uxlashga harakat qilayotgan, telefoni esa to‘xtovsiz jiringlayotgandir, ammo bu juda qiziq voqea”.
Ilgariroq Tramp Yevropa nashrlariga bergan intervyusida Yevropa Ittifoqi raisi Donald Tuskni Yevrokomissiya rahbari Jan-Klod Yunker bilan adashtirib yuborgan edi.
Izoh (0)