АҚШнинг сайланган президенти Дональд Трамп Twitter микроблогида қизи Иванкани худди шу исм соҳибаси бўлган бошқа фойдаланувчи билан адаштириб юборди. Бу ҳақда «РИА Новости» хабар бермоқда.
«Иванка Трамп ҳақиқий характер ва ҳашамга эга ажойиб аёлдир», — деб ёзди Трамп саҳифасида, аммо хабарда қизининг эмас, балки британиялик фойдаланувчи Иванка Мажичнинг аккаунтига ҳавола берди.
Distractify портали муаллифларидан бири Марк Пайгас воқеага қуйидагича изоҳ берди:
«Балки у (Мажич) ухлашга ҳаракат қилаётган, телефони эса тўхтовсиз жиринглаётгандир, аммо бу жуда қизиқ воқеа».
Илгарироқ Трамп Европа нашрларига берган интервьюсида Европа Иттифоқи раиси Дональд Тускни Еврокомиссия раҳбари Жан-Клод Юнкер билан адаштириб юборган эди.
Изоҳ (0)