AQShning Texas shtatidagi Medison okrugi shoshilinch xizmati (911) dispetcheri Leyla Rey navbatchilikda bo‘lgan vaqti uning uyida yong‘in yuz berdi, bu haqda esa unga o‘z qizi ish telefoni (911)ga qo‘ng‘iroq qilib, xabar qildi. Bu haqda TJournal xabar bermoqda.
Mazkur kutilmagan va og‘ir qo‘ng‘iroqdan ayol o‘zini yo‘qotib qo‘ymadi, hissiyotlarini jilovlay olib, rahbariyatining qayd etishicha, o‘zini haqiqiy professional sifatida namoyon eta oldi.
Reyning qizi Kessidining aytishicha, yong‘in uyning orqa qanotida boshlanib, asta-sekinlik bilan butun uyni qamrab olgan. Yong‘in vaqtida uyda qizdan tashqari uning otasi, ukasi va iti ham bo‘lgan.
Leyla Rey: 911 eshitadi, nima bo‘ldi?Kessidi: Oyijon! Oyijon! Men Kessidiman! Uyimiz yonyapti![...]Kessidi: Oyijon, biz hammamiz yonyapmiz!Leyla Rey: Hammasi yaxshi. Hammasi yaxshi bo‘ladi. Sizlar tomon yordam yo‘lga chiqdi. Yaxshimi? Yaxshi.Oradan ma’lum vaqt o‘tib, Rey farzandlarining yong‘in sabab o‘zaro tortisha boshlaganiga munosabat bildirarkan, hissiyotlarini jilovlay olmadi va: “Shuni deb bir-biring bilan gap talashish shart emas! Bundan boshqa muammo ham bor”, - dedi.
Butun uyni kulga aylantirgan yong‘in sabablari noma’lum. Yong‘in oqibatida butun mol-mulkidan ayrilgan Rey og‘ir ruhiy ahvolda ekanini aytib, jurnalistlar bilan muloqotdan bosh tortdi.
Medison okrugi sherifi Trevis Nili dispetcher Reyning ishiga yuqori baho berib, u kabi dispetcherlar aynan shunday holatlar uchun ma’naviy va ruhiy tayyorgarlikdan o‘tishini qayd etdi.
“O‘z farzandi qo‘ng‘iroq qilib, shunday fojia haqida aytib turgan vaqti, yana qancha odam odatdagidek o‘z ishini davom ettira olarkin?”, - deya qo‘shimcha qildi sherif Nili.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)