Amerikalik erkak San-Fransisko shahar kutubxonasiga bundan 100 yil avval olingan kitobni qaytardi. Bu haqda “RIA Novosti” xabar bermoqda.
Frensis Xopkins Smit qalamiga mansub “40 daqiqaga kechroq” qisqa hikoyalar to‘plamini Uebb Jonsonning katta buvisi 1917-yilda kutubxonadan olgandi.
Jonson buvisi kitobni qaytarish muddatidan bir hafta avval vafot etganini aniqladi. U mazkur to‘plamni 1996-yilda topgan, biroq oradan shuncha yil o‘tganidan so‘ng kitob oilasi ixtiyoriga o‘tgan deb hisoblab, 20 yildan oshiq vaqt mobaynida bunga qo‘l urmagandi.
Kutubxona turli sabablarga ko‘ra vaqtida qaytarilmagan kitoblarni yig‘ib olish bo‘yicha maxsus aksiya o‘tkazayotgani sababli Jonsonning oilasini jarimaga tortmadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)