Америкалик эркак Сан-Франциско шаҳар кутубхонасига бундан 100 йил аввал олинган китобни қайтарди. Бу ҳақда «РИА Новости» хабар бермоқда.
Фрэнсис Хопкинс Смит қаламига мансуб «40 дақиқага кечроқ» қисқа ҳикоялар тўпламини Уэбб Жонсоннинг катта бувиси 1917 йилда кутубхонадан олганди.
Жонсон бувиси китобни қайтариш муддатидан бир ҳафта аввал вафот этганини аниқлади. У мазкур тўпламни 1996 йилда топган, бироқ орадан шунча йил ўтганидан сўнг китоб оиласи ихтиёрига ўтган деб ҳисоблаб, 20 йилдан ошиқ вақт мобайнида бунга қўл урмаганди.
Кутубхона турли сабабларга кўра вақтида қайтарилмаган китобларни йиғиб олиш бўйича махсус акция ўтказаётгани сабабли Жонсоннинг оиласини жаримага тортмади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)