Samarqand viloyatining Urgut tumanida, Buxoro viloyatining G‘ijduvon tumanida, Farg‘ona viloyatining Qo‘qon shahrida, Xorazm viloyatining Hazorasp shahrida “Urgut”, “G‘ijduvon”, “Qo‘qon”, “Hazorasp” erkin iqtisodiy zonalari tashkil etiladi. Tegishli farmonni 12-yanvar kuni Shavkat Mirziyoyev imzoladi, deb xabar beradi “Gazeta.uz”.
“Urgut”, “G‘ijduvon”, “Qo‘qon”, “Hazorasp” erkin iqtisodiy zonalarining faoliyat yuritish muxlati 30 yilni tashkil etadi, keyinchalik bu vaqtni uzaytirish mumkin bo‘ladi. Shu davr ichida EIZlar hududida soliq, bojxona va valyuta rejimlari amal qiladi. Shuningdek, EIZlar hududida logistik markazlar va bojxona postlari tashkil etiladi.
Mavzuga oid:
O‘zbekistonda erkin iqtisodiy zonalar yana to‘rttaga ko‘payadi“Urgut”, “G‘ijduvon”, “Qo‘qon”, “Hazorasp” erkin iqtisodiy zonalari faoliyatining asosiy yo‘nalishlari quyidagilardir:
- xorijlik va mahalliy investorlardan to‘g‘ridan-to‘g‘ri investitsiyalar jalb qilib, tashqi bozorlarda talabgir hamda importning o‘rnini bosuvchi yuqori qo‘shimcha qiymatli mahsulot ishlab chiqarishni yo‘lga qo‘yish;
- Samarqand, Buxoro, Farg‘ona va Xorazm viloyatlarida ishlab chiqarish va resurs salohiyatidan kompleks va samarador foydalanilishini ta’minlash;
- meva-sabzavot va qishloq xo‘jaligi mahsulotlarini chuqur qayta ishlash, saqlash va qadoqlash, tesktil, gilamdo‘zlik, poyabzal, teri-ko‘nchilik, ekologik xavfsiz kimyoviy, farmatsevtika, oziq-ovqat, elektrotexnik sanoat, mashinasozlik, avtomobilsozlik, qurilish materiallari ishlab chiqarish va boshqa sohalarda yangi zamonaviy ishlab chiqarishlarni yo‘lga qo‘yish;
- mahalliy xomashyo va materiallar asosida yuqori texnologik mahsulotlar ishlab chiqarishni mahalliylashtirish jarayonlarini chuqurlashtirish;
- ishlab chiqarilayotgan mahsulotlarni xalqaro standartlarga muvofiq standartlash, sertifikatlash bo‘yicha ilmiy-ishlab chiqarish markazlarini yaratish.
Izoh (0)