Rukn o‘zbekistonlik futbolchi Sanjar Tursunov bilan boshlanadi. Yaqindagina Qatarning “Al-Haraytiyat” klubi bilan bitim tuzgan Sanjar Tursunov Yulduzlar ligasining 15-turida golli uzatma berdi. Bu haqda “Championat.asia” sayti ma’lumot berdi.
“Al-Vakra” klubiga qarshi kechgan o‘yindar Tursunov va jamoadoshlari 2:1 hisobida zafar quchgan. Tursunov 33-daqiqada urilgan birinchi golga pas berdi. Maydonda esa 88 daqiqa harakat qildi. Ayni vaqtda uning jamoasi 14 ta klub to‘p suradigan Yulduzlar ligasida 8-o‘rinni egallab turibdi.
Ma’lumot uchun, chempionatda 3-o‘rinda borayotgan va tarkibida Sardor Rashidov to‘p suradigan “Al-Jaish” 15-turni bugun — 9-yanvar kuni “Al-Arabi”ga qarshi o‘tkazadi. Bu jamoa 7-fevral kuni Toshkentning “Bunyodkor” klubiga qarshi Osiyo chempionlar ligasi pley-off o‘yinida maydonga tushadi.
“Bunyodkor”
Sergey Lushchan qo‘li ostidagi jamoada serbiyalik himoyachi Aleksandar Ignatovich ko‘rikda bo‘lib turgani haqida ma’lumot berilgandi. Endilikda uning yoniga boshqa bir serbiyalik Dushan Michich qo‘shildi.
Yarim himoyachi allaqachon 32 yoshni qarshi olgan. So‘nggi jamoasi “Voyvodina”. “Rudar” klubi bilan Chernogoriya kubogini ikki bor qo‘lga kiritgan. Bu yoshida “Bunyodkor”ga qanday yordam berishi mumkin ekaniga aniqlik kiritilmagan.
O‘rtoqlik uchrashuvi
“Bunyodkor” — “Ash-Shaab” (BAA) 2:1
Gollar: Diallo, 22 (0:1). Vadim Chemirtan, 44 (1:1). Shahzod Nurmatov, 76 (2:1).Chetlatish: Nurillo To‘xtasinov, 56 (B).\
“Bunyodkor” Amirliklardagi birinchi o‘rtoqlik o‘yinida muvaffaqiyat qozondi. Jamoaning moldovalik yangi a’zosi Vadim Chemirtan gol urgani e’tiborga molik. Ikkinchi bo‘lim boshlarida “qaldirg‘ochlar” bir kishi kam qolsa-da, g‘alabani ilib ketgan. Gol muallifi boshqa bir hujumchi Shahzod Nurmatov.
Hujumchilar o‘zini ko‘rsatishi kerak. “Bunyodkor”ni katta ehtimol bilan Bahodir Nasimov tark etadi. U Janubiy Koreya klublaridan biri safiga o‘tishi mumkinligi borasida xabar paydo bo‘lgandi.
“Bunyodkor”ning o‘rtoqlik o‘yinida urilgan gollarga Otabek Shukurov va Mirjamol Qosimov golli uzatma bergan.
Reja
“Bunyodkor” Gana milliy terma jamoasiga qarshi o‘rtoqlik o‘yinida maydonga tushishi haqida aytib o‘tilgandi. Bu borada Gana yolg‘iz emas. Iordaniya terma jamoasi ham “qaldirg‘ochlar” bilan o‘yin uchun rozi bo‘lgan. Klub matbuot xizmati oldindagi raqiblar bilan tanishtirdi:
10-yanvar. “Bunyodkor” — Gana11-yanvar. “Bunyodkor” — “Xenan Jianye” (Xitoy)13-yanvar. “Bunyodkor” — “Al-Faysaliy” (Saudiya Arabistoni)15-yanvar. “Bunyodkor” — “Aberdin” (Shotlandiya)20-yanvar. “Bunyodkor” — Iordaniya
“Paxtakor”
BAA safari sari hozirlik ko‘rayotgan “Paxtakor” safida serbiyalik Mario Maslach ko‘rikda ekani aytilgandi. Himoyachi “Championat.asia” saytiga kichik intervyu berdi.“Paxtakor” safida bir necha kun shug‘ullandim. Bugun o‘rtoqlik o‘yinida o‘ynadim. Ilk o‘yinim bo‘lgani uchun, qiynaldim. Bundan yaxshiroq o‘ynashim mumkin edi. Maydonning holati xalal berdi.Futbolchilar bilan chiqishib ketdim. Klub sharoitlari qoniqtirdi. “Paxtakor” menga juda yoqdi. Biroq vaqtga moslashish qiyin kechmoqda.
Mario Maslach, erkin agent
“Paxtakor” serbiyalik futbolchilarga yoqishi turgan gap. Biroq klub muxlislariga Maslach yoqadimi yoki yo‘q, aytish qiyin. Hozircha u — unga qadar kelgan serblardan katta farq qilmasligi bilinib bo‘lgan.
Aytgancha, “Paxtakor” o‘rtoqlik o‘yinini “Qo‘qon—1912” klubiga qarshi o‘tkazib, 2:1 hisobida zafar quchdi.
Izoh (0)