O‘zbekistondagi eng noyob tabiiy makonlar

Odamlar odatda boshqa davlatlardagi turistik obyektlar va noyob makonlarga katta qiziqish bildiradi. Ammo bunday joylar O‘zbekistonda ham juda ko‘p. Ana shunday sirli makonlar haqida UzNews hikoya qiladi.

1. Xo‘ja Gurgur ota massivi

Surxondaryo viloyatidagi Boysuntov tizmasida joylashgan, 3720 metr balandlikka ega massiv yovvoyi tabiat oshyoni hisoblanadi. Unga Boysundan Olachopon, Qayroq va Dibolo qishloqlari orqali borish mumkin, ammo bu yo‘l massivning qiya nishabiga eltadi, u orqali cho‘qqiga ko‘tarilish uchun esa insondan katta mahorat va kuch-bardosh talab etiladi. Ikkinchi yo‘l Darbant darasidan o‘tib, Machay, Qizil Novur va Kentala qishloqlaridan chiqadi.

2. Paltov vodiysi

Vodiy Toshkentdan 100 kilometr narida, Chotqol daryosi qirg‘og‘ida joylashgan. Uning eng diqqatga sazovor jihati paleolit davri odamlari manzilgohi — Obirahmat tog‘li arxeologik yodgorligi hamda 38 metr balandlikdan tushadigan sharsharadir.

3. Qonbeshbuloq meteorit ko‘li

Ko‘ndalang o‘lchami 800 metr keladigan ushbu kichik ko‘l Surxondaryo viloyatidagi Xomkon darasida joylashgan. U hanuzgacha chuqur o‘rganilmagan noyob tabiat yodgorligidir, negaki, olimlarning fikricha, tabiiy yo‘l bilan emas, balki meteorit qulashi tufayli yuzaga kelgan. Shu tariqa, Qonbeshbuloq aslida bir meteorit krateridir.

4. Urung‘och nefrit ko‘li

Ug‘om-Chotqol milliy bog‘ida, 1227 metr balandlikda joylashgan noyob tabiiy suv havzasi. Undagi suv nefrit tusida jilolanadi. “Urung‘och” uyg‘ur tilidan “yorqin nefrit” deb tarjima qilinadi.

5. Qirqqiz qal’asi

Qadimgi Termizning eng qiziqarli obidalaridan biri. Tarixiy yodgorlik shahardan 3 kilometr sharqroqda joylashgan.

6. Xo‘jaipok g‘ori

G‘or ichida debiti 20 litr/sekundni tashkil qiladigan yirik buloq joylashgan. G‘or Sho‘rchi tuman markazidan 55 kilometr shimoli-g‘arbda, Surxondaryoning o‘ng irmog‘i bo‘lmish Xo‘jaipok daryosi vodiysida joylashgan. G‘orning uzunligi — 220 metr, hajmi — 2700 metr kub.

7. Teshiktosh g‘ori

G‘or dengiz sathidan 1500 kilometr balandlikda, Surxondaryo viloyati sharqidagi Boysuntov tizmasida joylashgan. 1938–1939-yillarda taniqli arxeolog Aleksey Pavlovich Okladnikov shu g‘ordan mustye davriga oid neandertal qiz bolaning qoldiqlarini topgan edi.

8. Qalqama suv ombori

Suv ombori 1968-yilda Qumdaryoning vayronkor sellarini bartaraf qilish maqsadida barpo etilgan.

9. Omonqo‘ton g‘ori

G‘or Zarafshon tizmasining shimoliy qismida, Samarqand viloyatining Urgut tumanida joylashgan. 1947-yilda arxeolog Mixail Mixaylovich Dyakonov bu yerdan sinantrop insonning son suyagini aniqlagan edi.