Dam olish kuniga aylangan 2-yanvar, O‘zbekistonga yordam berishga tayyor Alisher Usmonov, o‘t ochish to‘xtatilgan Suriya va kunning boshqa muhim xabarlari

29-dekabrning e’tiborga molik yangiliklari — “Daryo”ning kechki dayjestida.

1. Shavkat Mirziyoyev 2017-yil 2-yanvarni dam olish kuni deb e’lon qildi. Farmoyish, qayd etilishicha, “fuqarolar va respublika jamoat tashkilotlarining ko‘plab murojaatlarini hisobga olib” qabul qilingan.

2. Putin: Suriyada o‘t ochish to‘xtatildi, muzokaralar boshlandi. “Suriya bo‘yicha kelishuvlar juda nozik, ular alohida e’tiborni talab etadi”, — qo‘shimcha qildi Putin.

3. Alisher Usmonov: “O‘zbekistonga foyda beradigan barcha narsani qilishga tayyorman”. Agar uni O‘zbekistonga chaqirishmasa, u Rossiya soliq rezidenti maqomini qaytarib olmoqchi.

4. Samvel Babayan O‘zbekiston milliy termasi sardori Odil Ahmedovning Xitoy klubiga o‘tganini rad etdi. Bir muddat avval futbolchining Xitoy klubiga o‘tib bo‘lgani haqida xabarlar tarqalgan edi.

5. Fazliddin G‘oibnazarov: Mukofot pullarimni ustozimga chin dildan beraman, u esa doim o‘zimga qaytaradi. Avvalroq ba’zi nashrlarda Olimpiada chempioni mukofot pullarini murabbiyiga topshirgani haqida xabarlar tarqalgan edi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.