Toshkentning “Lokomotiv” futbol klubida 2 nafar Kot-d’Ivuar vakili ko‘rikdan o‘tayotgani haqida xabar berilgandi. Shulardan biri – 19 yoshli Gnohere Krizo “temiryo‘lchilar”ning “Olmaliq” jamoasiga qarshi nazorat o‘yinida 2 ta gol urdi.
“Lokomotiv” matbuot xizmatining Telegram’dagi kanalida ma’lum qilinishicha, nazorat o‘yini “Lokomotiv”ning 3:1 hisobidagi g‘alabasi bilan yakunlandi. Gnohere Krizodan tashqari ikkinchi bo‘lim avvalida darvozabon Ignatiy Nesterov o‘rniga zaxiradan maydonga tushgan posbon Ma’mur Ikromov penaltidan gol kiritdi. “Olmaliq” safida himoyachi Diyorbek Turopov bitta javob to‘pini kiritdi.
“Lokomotiv” ko‘rigida bo‘lib turgan yana bir afrikalik futbolchi – 23 yoshli markaziy himoyachi Mohamed Gnontcha Kone mazkur o‘yinda to‘liq o‘ynadi.
“Agar Kone hamda Krizoning harakatlari murabbiylarga ma’qul kelsa, ular jamoamizning navbatdagi yig‘inlariga ham taklif etiladi”, – deyilgan edi “Lokomotiv”ning 27-dekabr kuni chop etilgan maqolasida.
Ma’lumot uchun, “Lokomotiv” yakuniga yetgan mavsumda o‘z tarixida ilk bor O‘zbekiston chempioni bo‘ldi. Bundan tashqari, “temiryo‘lchilar” O‘zbekiston Kubogi sohibiga aylandi. Jamoani O‘zbekiston chempioni va Kubogi sohibi qilgan har bir futbolchiga Lacetti avtomobili sovg‘a qilingandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)