Braziliya prezidenti Mishel Temer hamyurtlari orasida mashhur emasligidan xafa, biroq fuqarolar uni kelgusida tan olishiga ishonchi komil. Bu haqda u Rio-de-Janeyroda, jurnalistlar bilan uchrashuvi chog‘ida ma’lum qildi, deya xabar beradi “TASS”.
“Mashhurlikdan atayin voz kechayotganim yo‘q. Bu men uchun noxush holat, biroq mamlakatni boshqarishda xalaqit bermaydi. Tan olinishim kelgusida bo‘ladi. O‘zimning unchalik mashhur emasligimdan aks holda qabul qilib bo‘lmaydigan choralarni qo‘llash uchun foydalanaman”, — deya ta’kidladi Temer.
16-dekabrda e’lon qilingan jamoatchilik fikri natijalariga ko‘ra, respondentlarning atigi 13 foizi davlat rahbari tomonidan shakllantirilgan hukumat faoliyatini “yaxshi” va “juda yaxshi” deb e’tirof etdi. Braziliyaliklarning 48 foizi ijro hokimiyati faoliyatiga “yomon” va “juda yomon” deya baho berdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)