KXDR ikki Koreya o‘rtasida munosabatlar yaxshilanishi tarafdori, biroq “Janubiy Koreya rasmiylari Pxenyanning samimiy tashabbuslariga yovuz malomatlar bilan javob bermoqda”. Bu haqda mamlakat tashqi ishlar vazirligi qoshidagi Tinchlik va qurolsizlanish institutining 22-dekabr, payshanba kuni e’lon qilingan bayonotida ma’lum qilindi, deya xabar beradi “TASS”.
Ekspertlar “barcha mamlakatlar va hukumatlarni Shimol va Janub o‘rtasidagi munosabatlar holatini sinchiklab kuzatish, Pxenyanga qarshi qaratilgan hamda Seul tomonidan uyushtirilgan bo‘htondan iborat targ‘ibot kampaniyasi xavfini anglab yetish”ga chaqirdi. Institut vakillari “Seulning shimoldagi hamyurtlari bilan qarama-qarshilikka qaratilgan siyosati o‘ta xavfli tus olgani”ni ta’kidladi.
Institut ma’lumotlariga ko‘ra, Janubiy Koreya maxsus xizmatlari yakunlanayotgan yilda “KXDR oliy rahbariyati va ijtimoiy tizimining sha’nini haqorat qiluvchi” turli bayonotlar, maktublar va kompakt-disklarni faol ravishda tarqatdi, “respublikaning diplomatik va savdo vakolatxonalari xodimlari elektron pochtasiga fitna qo‘zg‘ovchi xabarlar” jo‘natdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)