IMAX kompaniyasining YouTube’dagi rasmiy kanali tasodifan Tom Kruz ishtirokidagi “Mumiyo” filmi treylerining ovoz effektlari qismisiz texnik versiyasini joylashtirdi. Bu haqda The Wrap ma’lum qilmoqda, deb yozadi TJournal.
Treylerning birinchi qismida aktyorning ovozidan tashqari fondagi musiqa va ovoz effektlari mavjud emas. Shuning uchun ushbu sahna kulguli ko‘rinadi: qahramonlar chiyillab, baqirib, chinqirib va boshqa tushunib bo‘lmaydigan ovozlar chiqaradi.
Keyinchalik IMAX o‘z kanalidan ushbu videoni o‘chirib tashladi.
Gollivud aktyori Tom Kruz ishtirokidagi yangi “Mumiyo” filmining birinchi treyleri YouTube’dagi Universal Pictures studiyasining kanalida 4-dekabrda e’lon qilingandi.
Kartina ssenariynavis va prodyuser Aleks Kurtsman tomonidan suratga olinmoqda. Filmning kinoteatrlardagi namoyishi 2017-yilning 8-iyunidan boshlanadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)