O‘zbekiston milliy terma jamoasi a’zosi Sardor Rashidov Qatar Yulduzlar Ligasining 11-turiga kelib dubl qayd etdi.
“Al-Muayzir” klubiga qarshi o‘yinni boshlang‘ich tarkibda o‘tkazgan Rashidov har ikki bo‘limda 1 tadan gol urishga muvaffaq bo‘ldi. Uchrashuvning 2-daqiqasida hisobni ochgan futbolchi, 86-daqiqadagi g‘alaba goliga ham mualliflik qildi. Shu tariqa mehmonlarning 47-daqiqada urgan goli durang uchun kamlik qildi.
Sardor Rashidov harakat qiladigan “Al-Jaish” 11 ta o‘yinda 28 ochko jamg‘arib, turnir jadvalida peshqadam bo‘lib turibdi.
Soccerway ma’lumotiga ko‘ra, Sardor Rashidov ortda qolgan 11 ta tur davomida 6 ta gol urishga erishgan.
Izoh (0)