Lozanna (Shveysariya)dagi Sport arbitraj sudi (CAS) Xalqaro futbol federatsiyasi (FIFA) sobiq prezidenti Yozef Blatter ishi bo‘yicha qarorni 5-dekabr kuni e’lon qiladi. Bu haqda CAS matbuot xizmatiga tayanib, “TASS” xabar bermoqda.
Xabarda qayd etilishicha, qaror 5-dekarb kuni soat 17:00 da (Toshkent vaqti bilan 19:00 da) e’lon qilinadi.
Blatter 17-mart kuni FIFA tomonidan o‘zining futbolga oid har qanday faoliyatdan 6 yilga chetlashtirilishiga apellyatsiya bergandi.
Ma’lumot uchun, 2011-yilda FIFA sobiq prezidenti Yozef Blatter Yevropa futbol ittifoqi (UEFA) sobiq rahbari Mishel Platiniga 2 million Shveysariya frankini noqonuniy ravishda o‘tkazib bergani uchun 2015-yilning dekabr oyida sakkiz yilga har qanday futbol faoliyatidan chetlashtirilgandi. Keyinchalik ushbu chetlashtirish olti yilga qisqartirildi.
Shunday so‘ng, Platini CAS’ga chetlashtirish muddatini qisqartirish bo‘yicha apellyatsiya berdi. Uning apellyatsiyasi qisman qoniqtirildi – diskvalifikatsiya muddati olti yildan to‘rt yilgacha, jarima miqdori 80 mingdan 60 ming yevrogacha qisqardi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)