Спорт арбитраж суди ФИФА собиқ президенти Йозеф Блаттер иши бўйича қарорни 5 декабрь куни эълон қилади
Лозанна (Швейцария)даги Спорт арбитраж суди (CAS) Халқаро футбол федерацияси (ФИФА) собиқ президенти Йозеф Блаттер иши бўйича қарорни 5 декабрь куни эълон қилади. Бу ҳақда CAS матбуот хизматига таяниб, «ТАСС» хабар бермоқда.
Хабарда қайд этилишича, қарор 5-декарб куни соат 17:00 да (Тошкент вақти билан 19:00 да) эълон қилинади.
Блаттер 17 март куни ФИФА томонидан ўзининг футболга оид ҳар қандай фаолиятдан 6 йилга четлаштирилишига апелляция берганди.
Маълумот учун, 2011 йилда ФИФА собиқ президенти Йозеф Блаттер Европа футбол иттифоқи (УЕФА) собиқ раҳбари Мишель Платинига 2 миллион Швейцария франкини ноқонуний равишда ўтказиб бергани учун 2015 йилнинг декабрь ойида саккиз йилга ҳар қандай футбол фаолиятидан четлаштирилганди. Кейинчалик ушбу четлаштириш олти йилга қисқартирилди.
Шундай сўнг, Платини CAS’га четлаштириш муддатини қисқартириш бўйича апелляция берди. Унинг апелляцияси қисман қониқтирилди – дисквалификация муддати олти йилдан тўрт йилгача, жарима миқдори 80 мингдан 60 минг еврогача қисқарди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
